Biblioteca de Campolongo: 04.2016

Como este ano o 23 de abril cadrou en sábado, decidimos celebralo o luns 25 . Fixemos unha pequena lectura colectiva no patio todas as titorias e rematamos o acto co Manifesto da Directora Xeral da Unesco falando da importancia do libro e a súa lectura. Nun principio pensou en ler o texto-agasallo que fixo Pedro Feijoo "Os libros son para valentes", pero como este xa o tiñamos posto en varios sitios da escola, sobre todo no Recuncho-Exposición, decidimos, por ser tamén unha Escola Asociada Unesco, ler tamén, o bonito texto de Irina Bokova, aínda que si lle fixemos un guiño a Pedro Feijoo, aprendendo en Yogote a frase "Os libros son para valentes". Máis sobre o Día do Libro

23 de abr. de 2016

23 de abril. Día Internacional do libro

O sábado 23 de abril será de novo o Día Internacional e Día Mundial do libro. A nosa mascota Xafi, propón facer unha lectura colectiva o luns 25 de abril no patio da escola no tempo de lectura despois do recreo. Sentaríamos cada grupo en círculo como cando nos sentamos a comer as castañas no Magosto ou como cando fixemos a Carrasquiña. Cada aula elixe que ler e de que forma . Xafi recomenda, a poder ser, facerlle un guiño a catro dos persoeiros homenaxeados neste curso: Neira Vilas, polo seu pasamento . Manuel María, por ser o homenaxeado este ano no Día das Letras Galegas. Ledicia Costas, por ser a homenaxeada este ano no Salón do Libro e Miguel Cervantes polo 400 aniversario do seu pasamento . Os libros ou contos poderían traelos eles da casa. Poderíamos rematar o acto lendo un pequeno texto de "Os libros son para valentes"

Xunto a esta actividade esta semana tamén imos intentar facer:

- Poñer curtas, contos, etc, relacionados con estas temáticas no vídeo do corredor de abaixo.

- Lanzar a actividade "Foto lendo na natureza", onde cada nen@, voluntariamente, presentará un foto lendo nalgún espazo ó aire libre.
- Facer a actividade do venres "Quen me conta un conto?" todos os días desta e da semana seguinte.
- Debuxar unha escea do Quixote para contárllela a un cego.

- Exposición de libros nalgún dos corredores con libros de "Bichería" e tamén dos autores antes nomeados.

Por suposto Xafi acepta suxestións para que a comunidade educativa sega lendo para gozar e loitar contra a ignorancia.
Artigo relacionado: O Día Internacional do Libro nas Bibliotecas Escolares
Ver Actividades doutras Escolas

O conto: "Don Quijote"

Pupurri de acticidades de Don Quixote

Xoga, escoita e enreda con D. Quixote

Xoga, escoita e enreda con D. Quixote no seu IV Centenario do seu pasamento.

Máis sobre o Día do Libro

Actividades Día do Libro nas Bibliotecas Escolares

Mensaxe da Sra. Irina Bokova, Directora Xeral da UNESCO, con motivo do Día Mundial do Libro e do Dereito de Autor

Non hai nada como un libro. Un libro é un vínculo entre o pasado e o futuro. É unha ponte entre xeracións e entre culturas. É unha forza para crear e compartir a sabedoría e o coñecemento.

Frank Kafka dixo unha vez: " Un libro debe ser un machada para romper os mares conxelados dentro da nosa alma" .

Xanelas á nosa vida interior, os libros son tamén a porta á comprensión e o respecto entre os pobos, máis aló das fronteiras e as diferenzas. En todas as súas formas, os libros encarnan a diversidade do enxeño humano, dando corpo á riqueza da experiencia humana, verbalizando a procura de sentido e de expresión que comparten todas as mulleres e todos os homes, que fai avanzar a todas as sociedades. Os libros contribúen a unir á humanidade como unha soa familia, compartindo un pasado, unha historia e un patrimonio, para forxar un destino común onde todas as voces sexan escoitadas no gran coro das aspiracións humanas.

No Día Mundial do Libro e do Dereito de Autor, en colaboración coa Unión Internacional de Editores, a Federación Internacional de Libreiros e a Federación Internacional de Asociacións de Bibliotecarios e Bibliotecas, isto é o que celebramos: o poder dos libros para fomentar a creatividade e promover o diálogo entre as mulleres e os homes de todas as culturas. Dou as grazas a Wroclaw (Polonia), Capital Mundial do Libro 2016, polo seu compromiso coa difusión desta mensaxe en todo o mundo.

Isto nunca foi máis importante, nun momento en que a cultura é obxecto de ataques, en que a liberdade de expresión se ve ameazada e en que a diversidade afronta un auxe da intolerancia. En tempos revoltos, os libros representan a capacidade humana de evocar mundos reais e imaxinarios e expresalos en palabras de entendemento, diálogo e tolerancia. Son símbolos de esperanza e de diálogo que debemos valorar e defender.

William Shakespeare morreu o 23 de abril de 1616, só un día despois que Cervantes. Neste día, fago un chamamento a todos os asociados da UNESCO para compartir esta mensaxe: os libros teñen o poder de contrarrestar o que Shakespeare chamou «a maldición común do xénero humano, a necedade e a ignorancia».

28 de abr. de 2016

27 de abr. de 2016

25 de abr. de 2016

24 de abr. de 2016

23 de abr. de 2016

22 de abr. de 2016

21 de abr. de 2016