27 de mar. de 2010

Uxío Novoneira

Os compañeiros do Ceip de Andrade de Pontedeume recomendáronnos ista webquet sobre Uxio Novoneira, que é o escritor galardonado este ano polas letras galegas. Se queres aprender algo sobre el, accede facendo clic na foto.

13 de mar. de 2010


A piques de cumprir os noventa anos déixanos Miguel Delibes, nun día de marzo
 ao igual que o protagonista da súa novela Cinco horas con Mario
A literatura española, en xeral, e a narrativa da postguerra, en particular, perden a 
un dos seus máis senlleiros cultivadores.

Hoxe finou o pai de Daniel
el Mochuelo e Camila la Lepórida, de la Régula e Azarías,
de Malvino e doña Resu, de Vítora e Quico, de Cipriano Salcedo e Catalina de 
Bustamante... Eles e tódolos demais protagonistas da súa vasta obra están de loito,
nós unímonos a este loito tentando coñecer un pouco mellor a obra deste vallisoletano 
universal.

É proverbio latino: as verbas voan, o escrito permanece. Delibes, ao longo da súa 
vida, usou millóns de verbas, moitas voaron (igual que hoxe a súa existencia 
corporal) pero milleiros e milleiros delas fixéronse carne nos seus libros e habitan 
nas bibliotecas (na nosa tamén) e fan inmortal ao escritor. Aproveitemos o seu
 legado lendo algúns dos seus textos; no instituto atoparedes: La sombra del ciprés 
es alargada, El camino, Las ratas, Cinco horas con Mario, El príncipe destronado, 
Los santos inocentes e Señora de rojo sobre fondo gris.

Descanse en paz Miguel Delibes!
Delibes co seu inseparable xornal
A triste nova no Xornal de Galicia. Especial sobre Delibes no xornal El País

Se queres ver a serie O camiño, preme aquí.


11 de mar. de 2010


Cinco motivos para leer POESÍA


1.- A poesía non morde, non fai dano e, aínda que hai quen pense o contrario, non é aburrida, nin romanticona, nin ridículo, nin difícil. E hai moitos tipos de poesía para que elixamos.

2.- A poesía serve para ler, cantar, gritar, recitar, rapear, musicar, declararse, rebelarse contra o mundo ou para sinxelamente rumorear suave ao oído. Tamén é un somnífero para durmir ben, unha pastilla sen química que mellora a saúde e o benestar, e relaxa ás persoas. e serve, sobre todo, para explicar as razóns e as emocións que non veñen no dicionario.

3.- Os poemas son como caixas de ferramentas, valen para todo: para sentilos, manosearlos, lelos, cheiralos, gardalos nun armario, ensuciarlos, para ligar, para polos encima da cabeza, colgalos na parede, limpalos, recortalos, reescribilos, merendarlos nun bocadillo de papel, ordenalos, metelos na neveira e lelos coa cabeza mais fría, ou deixalos sobre a cama para devoralos á noite, clandestinamente, cando todos deitáronse. ademas, a poesía cura enfermidades como a impaciencia, os nervios, os pés planos, os enfados, a dor de cabeza, as feridas imprevistas, as dores de amor, as indigestiones, a ansiedade e algunhas gripes.

4.- A poesía está nas cousas que nos rodean a diario, na música, na amizade, no supermercado, na risa, na moto, no váter, na esperanza, na rutina, nas cousas persoais, na ruela sen saída, no mar contaminado, na tristeza, no teu barrio, no ceo cuberto, no computador, nun berro, na paisaxe, na conversación e nas rúas. Onde ti queiras.

5.- O importante da poesía non é obsesionarse con descifrala (besito tarantino), senón saber gozala, sentila, e intuíla. Na poesía reconforta sentir o seu ritmo, a súa música, a súa sonoridad, os seus xogos de palabras que por veces nos cegan, as imaxes fascinantes que nos ofrece. E tamén os seus enigmas. Poetizarse. En definitiva, facer da poesía un pracer.

(5 MOTIVOS PARA LER POESÍA ,
FRAN ALONSO
XUNTA DE GALICIA)