21 de out. de 2015

Pregón 2015 - 24 de outubro, Día Internacional da Biblioteca

"Con motivo do Día da Biblioteca, quero compartir convosco un segredo: o Coello Branco case sempre ten présa. Quizá algúns pensedes que isto non ten moito que ver coas bibliotecas e que, ademais, como secreto, deixa bastante que desexar.
 Alicia no País das Marabillas publicouse hai 150 anos, e desde entón os lectores de todo o mundo souberon que o coello chega tarde, demasiado tarde, e por tanto ten présa.
Recoñeceredes, iso si, que non é un coello calquera. Que saibamos, este é o único coello que usa chaleco e reloxo de peto, o cal expón unha incógnita: se ten reloxo, por que sempre chega tarde? Quen é culpable da tardanza? O coello ou o seu reloxo? Os expertos non se puxeron de acordo sobre este punto, que provocou graves discusións entre veterinarios e reloxeiros. E se se alude ao chaleco, é aínda peor. Só hai unha cousa máis perigosa que unha discusión entre un veterinario e un relojero, e é unha discusión entre un veterinario, un relojero e un xastre. É mencionar o asunto e se desenvainan todo tipo de agullas (hipodérmicas, de coser e de reloxo).
Así que mellor volvamos ao segredo. O Coello Branco case sempre ten présa. Corre porque ten medo de que a Duquesa e, sobre todo, a Raíña de Corazóns ordenen que lle corten a cabeza. Pero vós, que aínda conservades a vosa, concentrádevos nese case. É a clave, o segredo mellor gardado do País das Marabillas. Case sempre. Cando non ten présa o Coello Branco? Só cando visita un pequeno edificio escondido tras as árbores do bosque: a biblioteca. O coello tómase o seu tempo para esculcar entre os abarrotado andeis. Ten un libro en mente pero, cando se achega a collelo, non pode evitar fixarse no tomo que o precede, e no de máis alá (e, como xa sabedes, nunha biblioteca, o libro de máis alá é ao mesmo tempo o libro de máis acá doutro libro que está ao seu lado...). Demasiadas opcións. Leva tempo elixir un libro. O coello sabe que se atopa no fogar da lectura, e a lectura é un pracer que se goza sen présa. Aínda que ninguén mencionase antes esta biblioteca secreta, non o dubidedes, hai unha nese estraño mundo que visitou Alicia. Non pode ser doutra forma. Pois a pesar de contar  co Sombrerero Tolo, o Gato de Chesire e a Eiruga Azul, a pesar de todos os animais fantásticos  e as extraordinarias cousas que alí suceden, todo iso non é  suficiente para gañarse o nome que ese mundo ten. Un lugar nunca podería chamarse País das Marabillas se  entre as súas marabillas non se contase unha biblioteca"
Diego Arboleda  (Tradución ó galego de Xafi)

Ningún comentario: